اے این ایف ہیڈ کوارٹر کے ترجمان نے بتایا کہ انسداد منشیات فورس (اے این ایف) نے منشیات کے اسمگلروں کے خلاف اپنے کریک ڈاؤن میں ملک بھر میں 10 کارروائیاں کیں اور 425 کلوگرام منشیات برآمد کرنے کے علاوہ سات ملزمان کو گرفتار کیا۔ انہوں نے بتایا کہ علامہ اقبال انٹرنیشنل ایئرپورٹ پر مسافر کے ٹرالی بیگ سے 1400 گرام آئس منشیات برآمد ہوئی ہے۔ لاہور کا رہائشی ملزم پرواز نمبر GF-676 کے ذریعے بحرین جا رہا تھا۔

دوسری کارروائی میں علامہ اقبال انٹرنیشنل ایئرپورٹ پر مسافر کے ٹرالی بیگ سے 650 گرام ہیروئن برآمد کر لی گئی۔ لاہور کا رہائشی ملزم فلائٹ نمبر GF-767 سے بحرین جا رہا تھا۔ کراچی میں کورئیر آفس میں برطانیہ کے لیے بک کیے گئے پارسل سے 3 کلو ہیروئن اور 240 گرام آئس برآمد کر لی گئی۔ ٹی چوک راولپنڈی کے قریب سے 2 ملزمان کو گرفتار کر کے 1040 گرام ہیروئن اور 1025 گرام آئس برآمد کر لی گئی۔